Kosova ka përjetuar një rritje të konsiderueshme por stabile të numrit të azilkërkuesve, refugjatëve dhe migrantëve në dy tri vitet e fundit. Gjatë vitit 2018 ka pasur 594 azilkerkues, kurse viti 2019 2081 azilkërkues, që paraqet numrin më të lartë të azilkërkuesve të shënuar ndonjëherë ne Kosovë. Në vitin 2020 numri i të ardhurve të rijnë ka ndryshuar për shkak të rrethanave të gjithmbarshme si pasojë e pandemisë.
Kështu thanë për IndeksOnline nga zyra e komunikimit në Ministrinë e Punëve të Brendshme.
E, që nga janari deri më 19 gusht 2020 ka pasur gjithsej 1086 azilkërkuesve, shkruan IndeksOnline.
Nga MPB sqaruan se azilkërkuresit në Kosovë i kanë kushtet e akomodimit koxha të mira.
Mjetet e jetesës mbulojnë akomodimin, ushqimin, pakot higjienike, veshmbathjet dhe format tjera të ndihmës fizike, ndërkohë që kujdesi iu referohet ndihmës së natyrës mjekësore, sociale dhe psikologjike.
“Në kuadër të ofrimit të shërbimeve juridike dhe psikologjike për azilkërkues kemi bashkëpunim me dy organizatat joqeveritare partnere të implementimit të politikave të UNHCR-it, siç janë:
– KRCT-Kosovo Rehabilitation Centre For Torture Victims;
– CRPK- Civil Rights Program Kosovo dhe organizata tjera vendore dhe ndërkombëtare.
Se këndejmi, Qendra për Azil ofron edhe hapësira rekreative për azilkërkuesit fëmijë dhe të rritur, siç janë: këndi i lojërave për fëmijë (brenda dhe jashtë objektit të Qendrës), fusha e futbollit, biblioteka (salla e leximit), salla e TV-së, etj”, thuhet në përgjigjen e tyre.
Por, siç duket këta azilkërkues, që qëndrojmë deri në 26 ditë këtu, rrugët e Kosovës i shfrytëzojnë vetëm për tranzit.
Sipas përgjigjes së MPB-së numri i tyre që kanë synim të qëndrojnë në Kosovë është shumë i vogël.
Por si është gjendja me azilkërkuesit në vendet e rajonit?
“Nëse marrim parasysh vitin 2018, 2019 dhe 2020, mesatarja në vit e të ardhurve në Kosovë është 1254 azilkërkues.
Sipas informatave të përgjithshme, megjithëse gjatë vitit 2018, 2019 dhe 2020 ka pasur rënje të trendëve në rajon, lëvizjet migratore nga Greqia kanë vazhduar në dy drejtime; përmes Maqedonisë Veriore dhe Serbisë si dhe përmes Shqipërisë dhe Malit të Zi, duke përfunduar një pjese e tyre te bllokuar ne Bosnjë e Hercegovinë.
Përshkrimi i gjendjes në Kosovë
Kapaciteti i Qendrës për Azil është për akomodimin deri 100 azilkerkues, por MPB ka siguruar edhe kapacitete shtese për akomodim deri në 2500 persona, në rast të ndonjë fluksi me të madh të azilkërkuesve, migrantve apo refugjateve”, thanë nga MPB.
