Deputeti i Lëvizjes Vetëvendosje, Visar Korenica, ka treguar arsyet kryesore të kundërshtimit të projektligjit për fertilizimin e asistuar apo siç njihet ndryshe “IFV”.

Korenica në emisionin “Five” është shprehur se është “e padrejtë që dikush të vijë në jetë e mos t’i njohë prindërit dhe të mos e dijë kush janë prindërit e tij biologjikë”.

“Thelbi është tek pjesa e mohimit tek fëmija për njohjen e identitetit të prindit, babait. Është e padrejtë që dikush të vijë në jetë dhe të mos e dijë kush janë prindërit e tij biologjikë. Anasjelltas, as nga ana e donatorit nuk i jepet e drejta se kush është pranuesi dhe e kundërta, edhe pranuesit nuk i jepet e drejta me njoftë donatorët”, është shprehur Korenica.

Korenica është shprehur se nuk është “e shëndetshme” për një fëmijë pa e ditur se kush është babai i tij.