Në Vushtrri është konfiskuar një armë. Siç njoftojnë nga stacioni policor në Vushtrri, në mbrëmjen e së martës ishin dëgjuar të shtëna me armë zjarri në një fshat të kësaj komune, për çka ka intervistuar nga policia.
Policia ka shoqëruar në stacionin policor një 56 vjeçar të cilit është konfiskuar arma e zjarrit A-47, një karikator me dy fishekë të kalibrit 7.62x39m dhe pesë gëzhoja të kalibrit të njëjtë. Po ashtu është intervistuar edhe një 65 vjeçar si i dyshuar, por me vendim të prokurorit i dyshuari në fjalë është liruar në procedurë të rregullt dhe ndaj tij është iniciuar rasti, “mbajtje në pronësi, kontroll ose posedim të paautorizuar të armës’, ‘përdorim i armës apo mjetit të rrezikshëm”.
“Mbi bazën e informacionit fillestar janë ndërmarrë veprime të shpejta policore, ku pas një kohë të shkurtër njësitë policore kanë identifikuar vendin nga ku ishin dëgjuar të shtënat, me ç’rast në vendin e ngjarjes me të hyr në oborr kanë vërejtur gëzhojat, policia ka arrit të kontaktoi pronarin e shtëpisë i cili ka pranuar se ka gjuajtur me armë zjarr në shenjë gëzimi. I dyshuari J. B., 56 vjeçar, është shoqëruar në stacionin policor dhe si provë materiale i është konfiskuar një armë zjarri A-47, një karikator me dy fishek të kalibrit 7.62×39 mm dhe pesë gëzhoja të kalibrit të njëjtë. Në cilësi të të dyshuarit është intervistuar Xh. A., 65 vjeçar, ku pas procedurave intervistuese me urdhër të prokurorit të rastit, i dyshuari në fjalë është liruar në procedurë të rregullt dhe ndaj tij është iniciuar rasti, “mbajtje në pronësi, kontroll ose posedim të paautorizuar të armës’, ‘përdorim i armës apo mjetit të rrezikshëm”.
