Ekonomi

Komuna e Xhafer Tahirit për një drekë shpenzoi 4,736€

Komuna e Xhafer Tahirit për një drekë shpenzoi 4,736€
17:37 | 23 Qershor 2020

Shkelje të shumta ta evidentuar Zyra Kombëtare e Auditimit (ZKA) gjatë auditimit të pasqyrave financiare për vitin 2019 për komunën e Vushtrrisë e cila drejtohet nga Xhafer Tahiri nga Lidhja Demokratike e Kosovës (LDK), raporton “Front Online”.

Auditori ka evidentuar dy raste në të cilat pagesat janë ekzekutuar në mungesë të raporteve të menaxherëve të kontratave.

“Pagesa prej 4,736€ për drekë zyrtare për përmbylljen e vitit 2019, të kontratës ‘Shërbime Hoteliere për A.K. Mungesa e raportit është arsyetuar me volumin e madh të punëve të fund vitit dhe pagesa prej 1,120€ sipas kontratës së AQP-së për “Furnizimin me karburante për nevoja të A.K’ për muajin qershor për QKMF. Mungesa e raportit ishte si pasojë e mungesës së njohurive së menaxherit të kontratës lidhur me kërkesat ligjore për menaxhimin e kontratës. Ndikimi Mungesa e raporteve nga menaxherët e kontratave, mund të ndikojë në menaxhim/monitorim të dobët të kontratave si dhe mund të rezultojë me pagesa të pa rregullta. Kryetari duhet të siguroj që të bëhet monitorimi i zbatimit të kontratave përmes hartimit të raporteve nga menaxherët përkatës, dhe se asnjë pagesë të mos ekzekutohet pa u siguruar dëshmitë e mjaftueshme se dispozitat e kontratës po zbatohen nga ana e OE” thuhet në raportin e ZKA-së, raporton “Front Online”.

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera