Kryeministrit të Britanisë së Madhe, Boris Johnson, sot në 25 vjetorin e Masakrës së Srebrenicës po i kërkohet kërkimfalja për viktimat e këtij gjenocidi.
Arsyeja është se Johnson në vitin 1997 kishte shkruar një artikull në lidhje me këtë masakër dhe në përshkrim iu kishte thënë “këta myslimanë nuk janë bash engjëj”.
Në një letër bashkë me 30 deputetë të tjerë, Toni Lloyd i partisë laboriste, tha se nuk mund të ketë “asnjë justifikim për të fajësuar në asnjë mënyrë viktimat e një gjenocidi për kryerjen e tij”.
“Mirë, unë them, fati i Srebrenicës ishte i tmerrshëm. Por ata nuk ishin saktësisht engjëj, këta myslimanë”, kishte shkruar Johnson.
Por Zyra e Kryeministrit “Doëning Street: tha që kjo deklaratë ishte nxjerrë jashtë kontekstit.
Në letër, më shumë se 100 organizata myslimane dhe përfaqësues të komunitetit i kërkuan Johnsonit të kërkonte falje, duke argumentuar se pjesëmarrja në ngjarje për të përkujtuar Srebrenicën “pa reflektim në komentet e tua të mëparshme është një fyerje për viktimat dhe familjet e tyre”.
Ka 25 vjet që kur 8000 myslimanë u vranë në Srebrenicë mizorisht nga forcat serbe.
