Joe Biden fitoi në zgjedhjet e brendshme partiake të demokratëve në Porto Riko të dielën.

Biden u përball me shtatë kandidatë, por që të gjithë u larguan nga gara. Këto zgjedhje ishin caktuar për në muajin mars, por u shtynë për shkak të pandemisë koronavirus.

Me këtë Biden ka arritur fitore të mjaftueshme për t’u bërë një kandidat demokrat për presidencën e Shteteve të Bashkuara.

Banorët e Porto Rikos janë qytetarë amerikanë, por ata nuk mund të votojnë në zgjedhjet e përgjithshme në nëntor. Sidoqoftë, të dy demokratët dhe republikanët po ftojnë delegatë nga ky territor amerikan në konventat e tyre politike.