Ish-shef i stafit te presidentit Pacolli dhe bashkëpunëtori më i ngushtë i tij, Jetlir Zyberaj e ka mohuar që Naim Murseli ka qenë këshilltar i Behgjet Pacollit.
Në një deklaratë për Express, Zyberaj ka thënë se ai ka qenë pjesë e stafit më të gjerë dhe se zyrtarisht nuk ka qenë këshilltar i ish-presidentit.
Sipas Zyberajt, Murseli ka qenë asistent për rrjete sociale.
“Jemi te shokuar nga lajmi per vrasjen e rende te nje nene te re. Na Inkurajon fakti qe reagimi profesional dhe efikas i policise ka qene i menjehershem. .Murseli ka qene nje djal i ri eshte bere pjese e stafit te gjere te z.Pacolli, por qe zyrtarisht nuk ka qene keshilltar i tij. E verteta eshte se ka qene asistent per rrjetet sociale per shkak te njohurive te IT qe ka pasur dhe i eshte dhene mundesia nga ish presidenti Pacolli. Megjithate rasti i rende qe ka ndodhur duhet te zbardhet dhe pergjegjesit duhet ta marrin denimin kapital”, ka thënë ai.
Naim Murseli vazhdimisht është cituar nga media se është këshilltar i Behgjet Pacollit.
Ai u arrestua sot si i dyshuar për përfshirje në vrasjen e gruas së tij, Liridona Murseli.
