Mjekët shpesh rekomandojnë që të hamë rrush të thatë në mëngjes në mënyrë që të kujdesemi më mirë për shëndetin e zemrës, të eliminojmë kolesterolin e keq, të ulim nivelet e triglicerideve dhe të përmirësojmë punën e stomakut dhe vetë metabolizmin.

Rrushi i thatë është burim natyral i mineraleve dhe vitaminave, por efekti i tyre rritet në mënyrë drastike nëse pimë ujin në të cilin janë lagur, sepse në këtë mënyrë ulet niveli i sheqerit. Ju duhen 400 mililitra ujë dhe 150 gramë rrush të thatë.

Zgjidhni rrush të thatë me kujdes dhe shmangni ato me ngjyrë të çelur dhe me shumë shkëlqim, sepse ai shkëlqim nuk është natyral dhe është rezultat i proceseve të shumta kimike që janë përgjegjëse për një pamje kaq “tërheqëse”. Zgjidhni ngjyrat më të errëta që nuk janë as shumë të forta dhe as shumë të buta. Lajini dhe lërini mënjanë.

Lërini dy gota ujë të ziejnë. Shtoni rrushin e thatë dhe lërini të ziejnë për 20 minuta. Duket e lehtë, por kjo nuk është e gjitha. Rrushin e thatë duhet ta lini të njom gjatë natës.

Të nesërmen në mëngjes, kullojeni ujin dhe ngroheni përsëri. Ju mund ta pini këtë pije të nxehtë ose të vakët, por është e rëndësishme ta pini me stomakun bosh menjëherë pasi të zgjoheni. Mëngjesi duhet të vijojë gjysmë ore më vonë.

Në mënyrë ideale, ju duhet ta bëni këtë për disa ditë rresht – të paktën katër. Tashmë pas dy ditësh do të vini re se stomaku juaj punon më mirë dhe do të keni më shumë energji, ndaj kjo pije rekomandohet veçanërisht për personat që duan të humbin peshë./FrontOnline/