Gjatë paraqitjes së tij në Twitter, të cilin këngëtarja Alicia Keys e lansoi për të promovuar albumin e saj të ri, Jay-Z bëri një krahasim mes gruas së tij Beyonce dhe të ndjerit Michael Jackson.
“Bay do të jetë e zemëruar që e thashë këtë, por Michael Jackson nuk kishte kurrë Coachella”, tha ai, duke e quajtur Beyoncen “një evolucion i ikonës së muzikës së Jackson” sepse ajo e shikonte atë që në moshën 9-vjeçare.
“Fëmijët janë të njëjtë”, vazhdoi Jay. “Më gjeni një festival që është po aq i rëndësishëm kulturor dhe emocionues sa Coachella. Beyonce do të jetë një nga këngëtaret më të mira që kemi dëgjuar ndonjëherë, sepse ajo është një studente e tillë”.
Sigurisht që pasuan komentet në Twitter në favor të të dy interpretuesve, të cilat u shndërruan në një debat.
“Beyonce ishte shtatzënë dhe këndoi e varur me kokë poshtë në FWT, ajo ishte shtatzënë dhe vjellte kur punonte në Festivalin Glastonbury, e sëmurë këndoi në shfaqjen e Oprah. Michael Jackson e ndrydhi kyçin e këmbës dhe e bëri të gjithë performancën ulur”, ka shkruar një përdorues i Twitter.
“Jay-Z e krahason Beyoncen me Michael Jackson kur bëhet fjalë për Coachella, por Michael vdiq para se të krijoheshin mënyra të ndryshme të transmetimit dixhital. Ai e mori Coachela-n si argument për koncerte pa media sociale dhe platforma argëtimi”, ka shkruar dikush tjetër.
“Beyonce është një nga argëtueset më të mëdha që industria ka parë dhe do të shohë ndonjëherë. Askush nuk është krijues në atë nivel, si vokaliste, si artiste vizuale dhe si interpretuese live”, përfundon një përdorues i Twitter./FrontOnline/