Lajme

Ja kur do të hapet pishina e Gërmisë, këto do të jenë çmimet

Ja kur do të hapet pishina e Gërmisë, këto do të jenë çmimet
09:45 | 22 Maj 2022

Pavarësisht që ditët e nxehta kanë filluar dhe shumë qytetarë të Kosovës po ia mësyjnë bregdetit shqiptar, pishina e Gërmisë ende nuk është hapur për qytetarët e Prishtinës.

Liridon Llapashtica, kryeshefi që menaxhon me Pishinën e Gërmisë, ka bërë të ditur për Front Online se pishina është gati të nis sezonin veror dhe pritet të hapet më 12 qershor të këtij viti.

Më 12 qershor, më datën e çlirimit të Prishtinës, planifikojmë të hapet pishina, por kjo do të varet edhe nga kushtet atmosferike”, ka thënë Llapashtica për FrontOnline

I pyetur për çmimet, drejtori ekzekutiv Llapashtica ka thënë se çmimet do të jenë si të vitit të kaluar, 2 euro për të rriturit dhe 1euro për fëmijët.

“Çmimet kanë qenë 2 euro për të rritur dhe për fëmijë 1 euro. Tash për momentin nuk kemi Bord si ndërmarrje. Bordit i ka skaduar mandati, para dy jave janë lajmëruar aksionarët e rinj prej kuvendit komunal nga kryetari i  Prishtinës  Përparim Rama  dhe në koordinim  me aksionarët shpresojmë  që do të zgjidhet Bordi i ri. Në koordinim me ta  do të njoftohen qytetarët, por  njëherë për njëherë ai do të jetë çmimi dmth 2 euro për të rritur dhe  1 euro për persona mbi moshën 7 vjeçare”.

Tutje, ai thotë se të gjitha përgatitjet janë bërë sipas datës dhe plan programit të ndërmarrjes, teksa shpreson që do të ketë një verë të nxehtë që pushuesit e kryeqytetit te arrijnë të freskohen.

“Në pishinë janë angazhuar stafi profesional, duke filluar nga sigurimi fizik, shpëtimtarët, auto ambulanca 24 orësh me mjekun dhe teknikun, si dhe mirëmbajtësit”, ka potencuar Llapashtica për Front Online.

Pishina e Gërmis frekuentohet nga një  numër i madh vizitoresh, sidomos ditëve  të  fundjavës.

/Front Online/

 

Prince Caffe shpërblen për festa Fitoren me veturë Fiat 500

Të tjera