Kafshët shtëpiake janë thjesht një pjesë integrale e familjes. Pronarët shpesh dinë të shkojnë kudo me ta dhe madje të flenë së bashku. Mirëpo, sipas ekspertëve, ky zakon duhet shmangur.
Dr. Deborah Lee thotë që qeni juaj do të lërë grimca zbokthi të tij në shtratin tuaj, gjë që mund të jetë e rrezikshme. Konkretisht, sipas saj, zbokthi i kafshëve shtëpiake mund të shkaktojë probleme serioze të frymëmarrjes kur thithet dhe një reagim serioz në lëkurën tuaj kur bie në kontakt me të.
Humbja e qimeve të kafshëve shtëpiake është veçanërisht e theksuar në pranverë dhe mund të çojë në përshkallëzim të problemeve me rinitin alergjik, dermatitin, sukrepin dhe astmën”, ka thënë mjekja.
Supozohet shpesh gabimisht qimja është shkaku kryesor i këtyre rreziqeve, por në fakt qelizat e vdekura të lëkurës (zbokthi) mund të shkaktojnë probleme serioze shëndetësore.
“Zbokthi i kafshëve shtëpiake është një shkaktar i zakonshëm i alergjive te fëmijët dhe te të rriturit. Kur thithni grimcat e zbokthit të kafshëve në mushkëri, qelizat imune të trupit tuaj e njohin antigjenin e qenit ose maces si një substancë të huaj që përbën një kërcënim për shëndetin tuaj. Si rezultat, shkaktohet një reaksion inflamator dhe lirohet një antitrup”, shpjegon Dr.Lee, duke shtuar se qelizat e njohura si mastocitet çlirojnë histaminën, e cila bën që muskujt e lëmuar të tkurren, duke çuar në ngushtimin e rrugëve të frymëmarrjes.
Ajo shtoi se histamina gjithashtu shkakton një rritje të sekrecioneve bronkiale dhe ënjtje, duke krijuar simptoma tipike të pakëndshme të astmës si kollitja, shtrëngimi në gjoks dhe gulçim.
