Testet serologjike zbulojnë antitrupat kundër virusit.

Kështu ato mund të zbulojë nëse një person kishte një infeksion së fundmi (IgM) ose në të kaluarën (IgG) me virusin në fjalë.

Por të njëjtat teste nuk mund të përdoren për të diagnostikuar infeksionin akut me virusin (SARS-CoV-2) që shkakton sëmundjen COVID-19.

Kështu ka bërë të ditur përmes një postimi në Facebook, Skender Syla, drejtor i OBSH-së në Bullgari.

Postimi i tij i plotë:

Testimi molekular, ose testimi PCR, zbulon materialin gjenetik të virusit dhe kështu mund të zbulojë nëse një person aktualisht është i infektuar me virusin(SARS-CoV-2) që shkakton sëmundjen COVID-19.

Testimi serologjik zbulon antitrupa kundër virusit, dhe kështu mund të zbulojë nëse një person kishte një infeksion së fundmi (IgM) ose në të kaluarën (IgG) me virusin në fjalë.

Qeveritë duhet të përqëndrohen në testimin me bazë PCR në mënyrë të identifikimit dhe izolimit me kohë të rasteve aktive
dhe kontrollit efektiv të gjendjes epidemiologjike.

Testet serologjike janë të rëndësishme për përcaktimin se sa individë janë infektuar në popullatë të caktuar së fundmi (IgM) ose në të kaluarën (IgG) me virusin SARS CoV-2.

Skender Syla, i cili qe disa vjet është drejtor i OBSH-së në Bullgari, ka folur për sfidat dhe përparësitë që ka Kosova në përballjen me pandeminë e shkaktuar nga virusi COVID-19. Syla ka theksuar se e vetmja masë që ka funksionu nga fillimi i Pandemisë ka qenë ngujimi total i detyruar dhe puna titanike e profesionistëve shëndetësor.