×
  • Bota/Rajoni
  • Bota/Rajoni

    Ish liderët botërore: Koronavirus po përdoret për të minuar demokracitë

    FrontOnline
    25 Qershor 2020

    Nga Luke McGee, CNN

    Përhapja e Covid-19 ka alarmuar qeveritë në të gjithë globin, të cilët po përdorin krizën për t’u mbyllur gojën kritikëve, sipas një letre të nënshkruar nga më shumë se 500 ish-udhëheqës botërorë.

    Letra, e shkruar nga Instituti i Demokracisë me qendër në Stokholm nënvizon faktin se në vazhdën e krizës, si qeveritë autoritare, ashtu dhe ato të zgjedhura demokratike, në të gjithë botën, kanë përdorur fuqitë emergjente për të arrestuar protestuesit duke mos respektuar normat demokratike, shkruan abcnews.al

    Në letër shkruhet: “Regjimet autoritare po përdorin krizën për t’u mbyllur gojën kritikëve dhe për të forcuar kontrollin e tyre politik. Por edhe disa qeveri të zgjedhura në mënyrë demokratike  po luftojnë pandeminë duke shfrytëzuar fuqitë emergjente që kufizojnë të drejtat e njerëzve dhe forcojnë mbikëqyrjen e shtetit pa marrë parasysh kufizimet ligjore, parlamentare apo afatet kohore për rivendosjen e rendit kushtetues.

    “Gazetarët po arrestohen, minoritetet  po vriten dhe  popullata më e prekshme po përballet me rreziqe alarmante të reja pasi bllokimet ekonomike po  shkatërrojnë strukturën e shoqërive kudo”.

    Që nga fillimi i pandemisë, dhjetëra vende kanë miratuar  ligje emergjente dhe më shumë se 100 prej tyre kanë marrë masa që ndikojnë drejtpërdrejt tek populli duke filluar nga kufizimi i qasjes në informacione publike deri në arrestimin e qytetarëve për postime “provokuese” në mediat sociale.

    Letra ka për qëllim Kinën, duke nxjerrë në pah se pandemia nuk është rastësi që filloi në një vend ku nuk ka liri informacioni dhe në një vend ku qeveria ndëshkoi ata që paralajmëruan për rreziqet e virusit, raporton abcnews.al

    Sidoqoftë, paralajmërimi kryesor në letrën e shkruar është që vendet me tradita të forta demokratike mund të përdorin pandeminë për të futur  në fuqi masa të jashtëzakonshme  që nëse zbatohen për një afat të gjatë kohor  do të bëhen rregulla të zakonshme,  por që do  i shkaktojnë dëme të përhershme  demokracisë globale.

    “Tani është koha kur të gjithë duhet të jemi të vendosur  më shumë se kurrë për demokracinë. Ne duhet ta bëjmë të qartë për të gjithë se çfarë është në diskutim dhe ne nuk duhet të lejojmë liderët me prirje autoritare të përdorin këtë apo krizat e tjera për të rritur fuqinë e tyre dhe për të ulur të drejtat tona”tha Kevin Casas-Zamora, sekretari i përgjithshëm i IDEA dhe ish Nënkryetari i Kosta Rikës.

    Në letër gjithashtu shkruhet: “Masat autoritare nuk nuk janë rruga e duhur për të kontrolluar pandeminë”, dhe se “Heshtja ndaj  fjalës së lirë, burgosja e protestuesve, shtypja e mbikëqyrjes legjislative dhe zgjedhjet e anuluara, të gjitha nuk mbrojnë shëndetin publik.

    “Demokracia është nën kërcënim dhe njerëzit duhet të kenë vullnet, disiplinë dhe solidaritet për ta mbrojtur atë. Në rrezik janë liria, shëndeti dhe dinjiteti i njerëzve kudo.”

    Ndër personat që kanë shkruar letrën:janë Stephen Harper, ish-Kryeministri i Kanadasë, dhe Malcolm Rifkind, ish Sekretari i Jashtëm i Mbretërisë së Bashkuar, si dhe institucione të  ish liderëve botërorë, përfshirë Institutin The George W. Bush dhe The Carter Center.

    Nga Rubrika
    Bota/Rajoni09 Maj 2025
    Kancelari gjerman Friedrich Merz nuk përjashtoi huamarrjen e përbashkët të Bashkimit Evropian për mbrojtje gjatë një udhëtimi në Bruksel të premten. Por,...
    Bota/Rajoni09 Maj 2025
    Aeroporti i Tiranës (TIA) është zyrtarisht aeroporti me trafikun më të madh të pasagjerëve në të gjithë Ballkanin Perëndimor. Sipas statistikave të...
    Bota/Rajoni09 Maj 2025
    Prokuroria e Tiranës ka kërkuar dënimin me burgim të përjetshëm për Dan Hutrën, të akuzuar për vrasjen e 3 grave dhe plagosjen...
    Të tjera
    Vip09 Maj 2025
    Modelja dhe ish-banorja e Big Brother VIP Kosova, Xhuli Nura, ka reaguar me trishtim pas lajmit të hidhur për ndarjen nga jeta...
    Lajme09 Maj 2025
    Një aksident trafiku i tipit zingjiror ka ndodhur sonte rreth orës 20:30 në rrugën “B” në Prishtinë, ku janë përfshirë tri automjete....
    Lajme09 Maj 2025
    Asociacioni i Gazetarëve të Kosovës i është bashkuar thirrjes së Këshillit të Mediave të Shkruara të Kosovës që të ketë kujdes nga...
    Lajme09 Maj 2025
    Pas sulmit të ndodhur në Banjskë, Policia e Kosovës për një kohë të gjatë ka ndërmarrë veprime për mbylljen e rrugëve ilegale...
    Lajme09 Maj 2025
    Këshilli i Mediave të Shkruara të Kosovës (KMSHK) u ka bërë thirrje mediave që raportimi për tragjedi të bëhet me kujdes, ndjeshmëri...
    Lajme09 Maj 2025
    Kryeministri në detyrë i Kosovës, Albin Kurti, ka bërë një postim me rastin e shënimit të Ditës së Evropës dhe 80-vjetorit të...
    -->

    FrontOnline, © 2025 Të gjitha të drejtat e rezervuara.