Kryetari i LDK-së, Isa Mustafa, ka publikuar pak minuta më parë një letër të ish-Përfaqësueses së lartë të BE-së, Frederica Mogherini, e cila në vitin 2015 i kishte shkruar, se Asociacioni nuk do jetë nivel i tretë i qeverisjes dhe nuk do ketë fuqi ekzekutive.Pas kësaj letre ka ardhur reagimi i parë nga Lëvizja Vetëvendosje.

Deputeti i kësaj partie, Shpejtim Bulliqi, ka thënë për “Gazeat Blic” se akoma nuk është e qartë se si do të jetë çështja e kompetenca dhe se a do të ketë kompetenca ekzekutive apo jo.

“Unë mendoj se marrëveshja e Asociacionit e 2013-ës por edhe i dyti, ky i dyti tregoi Gjykata Kushtetuese se ka shkelje të mëdha kushtetuese, brenda atij versionit që kanë pranu në realitet udhëheqësit tanë, prandaj nuk e dimë se si do të jetë çështja e atyre kompetencave, a do të ketë kompetenca ekzekutive apo jo. Sidoqoftë, këto janë lëshime të mëdha klasës tonë udhëheqëse, në radhë të parë që kanë kanë pranu me hy në negociata për një asociacion të tillë për fakktin se Pakoja e Ahtisarit i ka paraparë të gjitha të drejtat maksimale që mund t’i realozojë minoriteti serb në Kosovë”

Bulliqi thekson se pasojat mund të jenë edhe më të mëdha nëse insistohet nga faktori ndërkombëtar që të bëhet një asociacion i tillë.“Prandaj sidoqoftë mendoj që është diçka që vërtet është ka i shkakton dëme Kosovës dhe kam frikë se këto dëme mund të jenë edhe më të mëdha nëse insistohet me çdo kusht nga faktori ndërkombëtar që të bëhet një Asociacion i tillë. Ju e dini që në radhë të parë Komunat e Kosovës e kanë një Asociacion të vetin i cili i grumbullon të gjitha komunat e vendit, prandaj nuk kanë pas nevojë të pranohet të krijohet një asociacion i këtillë, kishte me kriju një nivel të tretë qeverisës në Kosovë” tha Bulliqi

Mustafa bëri të ditur se letrën e dërguar nga Mogerini në vitin 2015, ia ka prezantuar edhe Përfaqësuesit Special për Dialogun, Lajçak.“Më 24 gusht të vitit 2015, një ditë para nënshkrimit të Marrëveshjes mbi Parimet e Përgjithshme/Elementet Kryesore të Asociacionit, nga Përfaqësuesja e Lartë e BE-së, Frederica Mogherini e kam pranuar letrën me këtë përmbajtje:“Në konekstin e diskutimit tonë për themelimin e Asociacionit/Bashkësisë së Komunave me Shumicë Serbe, dua të konfirmoj se është kuptim i BE-së, se Asociacioni/ Bashkësia – në harmoni me Marrëveshjen e Parë dhe ligjet e Kosovës – nuk do të konstituohet si nivel i tretë i qeverisjes dhe nuk do ketë fuqi ekzekutive. BE, në ushtrimin e rolit të tij si fascilitator i dialogut Prishtinë-Beograd do të vazhdojë të monitorojë respektimin dhe implemenrimin nga të dy palët të Marrëveshjes së Parë dhe marrëveshjeve të tjera të arritura në dialog” .