Kryeministri në detyrë i Kosovës, Avdullah Hoti ka thënë se në raport me dialogun me Serbinë po thuhen gjëra të pavërteta.
Hoti, përmes një postimi në profilin e tij në Facebook, ka treguar edhe njëherë qasjen e tij dhe të Qeverisë karshi kësaj çështje.
Ai, ka treguar parimet me të cilat Kosova ka hyrë në dialog me Serbinë.
Postimi i tij i plotë:
Lidhur me qasjen time dhe të Qeverisë e Republikës së Kosovës në raport me procesin e dialogut po thuhen gjëra të pavërteta, prandaj dua të sqaroj:
Ne kemi hyrë në dialog me Serbinë mbi parime të qarta:
– Udhërrëfyes ka qenë dhe mbetet Kushtetuta e Kosovës.
– Integriteti territorial i Kosovës është i panegociueshëm.
– Organizimi kushtetues i Kosovës nuk preket.
– Nuk ka asociacion me kompetenca ekzekutive.
– Marrëveshja finale duhet të përfshijë njohjen reciproke ndërmjet dy vendeve.
Këto parime janë mbështetur edhe nga partnerët tanë. Nuk do të ketë lëvizje nga këto parime.
https://www.facebook.com/avdullah.hoti/posts/3990753654319292