Kryeministri i Kosovës, Avdullah Hoti, ka thënë se Kuvendi i Kosovës ka dështuar t’i votojë marrëveshjet ndërkombëtare të cilat janë të një rëndësie të veçantë për projektet investive e zhvillimore në Kosovë, pasi këto marrëveshje janë ekonomike.

Ai ftoi deputetët e Kosovës që të marrin përgjegjësitë kushtetuese të paktën kur kanë të bëjnë me projekte zhvillimore, ndërsa tha se duhet të hapet rrugë edhe për diskutimin e buxhetit të rishikuar.

“Andaj, ftoj deputetët e Kuvendit të Kosovës, që të paktën kur kemi të bëjmë me projekte zhvillimore dhe fonde mbështetëse për infrastrukturë, të marrim përgjegjësitë kushtetuese që na takojnë! Në Kuvend duhet t’i hapet rrugë diskutimit për Buxhetin e rishikuar, që t’i dalim në krah bizneseve të cilat rrezikojnë të shuhen, t’i dalim në krah punëtorëve që nuk i kanë marrë pagat, të mbrojmë prodhimin vendor dhe t’i mbështesim qytetarët në nevojë”, shkruan Hoti.

Hoti tha se Qeveria duhet të vazhdojë me implementimin e masave në kuadër të pakos për rimëkëmbje ekonomike, ndërsa shtoi se qytetarët e Kosovës kanë nevojë për mbështetje institucionale.

“Kuvendi i Kosovës dështoi t’i votoj sot pesë marrëveshje ndërkombëtare! Këto dokumente që presin të votohen, janë të një rëndësie të veçantë për shkak se janë marrëveshje ekonomike për projekte investive dhe zhvillimore në Kosovë! Qytetarët e Kosovës kanë nevojë urgjente për mbështetje institucionale, ndërsa Qeverisë së Kosovës duhet t’i lejohet të vazhdoj me implementimin e masave në kuadër të pakos për Rimëkëmbje ekonomike”, shkruan Hoti.