Në mungesë të liderit të LVV-së, prezente në takimin e thirrur nga presidentit i vendit Hashim Thaçi ishte ministrja e drejtësisë Albulena Haxhiu. Gjatë takimit ajo prezantoi qëndrimin e LVV-së lidhur me çështjen e mandatarit të formimit të qeverisë.

Kësisoj ajo e lexoi një letër të Albin Kurtit drejtuar presidentit, ku edhe i`a rikujtoi se nuk ka të drejtë kushtetuese për të konstatuar se mandatari është refuzuar nga VV-ja, raporton “Front Online”.

“Bazuar në rolin dhe funksionin si president ju nuk keni të drejtë kushtetuese që të konstatoni që ne e kemi refuzuar mandatarin”, ka thënë ajo.

Ajo i`u drejtua presidentit Thaçit që ditëve të fundit është duke u marrë se si do të formohet qeveria e re, por jo edhe duke ndihmuar qeverinë Kurti në luftën ndaj koronavirusit. /Front Online