Deputetja e AAK-së Teuta Haxhiu në seancën plenare për votimin e Qeverisë “Hoti”, ka deklaruar se gjatë qeverisjes së kryeministrit në detyrë Albin Kurtit është dëmtuar pozicioni i Kosovës karshi vendeve tjera evropiane, raporton Front Online.
Haxhiu tha se partia e saj AAK-ja kishte për qëllim që qeveria Kurti të jetonte më gjatë, për siç ka thënë ajo, në mënyrë që populli “t’ia sheh fytyrën e vërtetë kësaj qeverie”.
“Pozicioni i Kosovës është dëmtuar. Ne si Aleancë vepruam natyrshëm konform përgjegjësisë që kemi. Dëshira jonë ishte që qeveria Kurti të jetë jetëgjatë, që populli t’ia sheh fytyrën e vërtetë kësaj qeverie”, deklaroi Haxhiu.
Në mesin e prioriteteve ajo ka vën një theks të veçantë te dialogu me Serbinë për të cilin është raportuar se do të fillojë në muajin shtator, ajo tha se do të përmbyllet me njohje reciproke mes dy vendeve.
“Tema e dialogut me Serbinë, jemi të sigurt që përmbyllja e kësaj marrëveshje do të jetë me njohje reciproke të të dyja vendeve në kufijtë ekzistues”, deklaroi më tutje Haxhiu.
Qëllimi kryesor i AAK-së dhe LDK-së, sipas Haxhiut është luftimi i korrupsionit dhe ruajtja e partneritetit me shtetet mike të Kosovës.
“Qëllimi jonë dhe i partnerit tonë LDK-së është Luftimi ni korrupsionit dhe ruajtja e partneritetit me SHBA dhe BE-në.
Për Aleancën prioritet parësor është menaxhimi i gjendjes pandemike”, u shpreh Haxhiu në seancën plenare të Kuvendit. /FrontOnline/
https://www.facebook.com/FrontOnlineMedia/videos/3338278739539992/
