Ish-kryeministri i Kosovës, Ramush Haradinaj, ka reaguar pas vdekjes së politikanit dhe aktorit të njohur kosovar, Adem Mikullovci.
Me këtë rast, Haradinaj ka thënë se Mikullovci arriti të mbaj gjallë ndjenjën kombëtare në rrethana të vështira për shqiptarët.
“Me pikëllim mora lajmin e trishtë të ndarjes nga jeta të aktorit të spikatur, deputetit të Kuvendit të Kosovës që shpalli Deklaratën e 2 korrikut, mikut tim Adem Mikullovci. Baca Adem përmes artit, arriti të mbaj gjallë ndjenjën kombëtare në rrethana të vështira për shqiptarët. Duke ndarë dhembjen për këtë humbje, i përcjell ngushëllimet më të sinqerta bashkëshortes Lumnijes, të afërmve, kolegëve dhe të gjithë atyre që e njohën. U prehtë në paqe!”, ka shkruar Haradinaj.
