Hapen të gjitha shkollat në Malishevë

Sot në Komunën e Malishevës, janë hapur të gjitha shkollat, për klasat para fillore, klasat e para, të dyta, të treta, të katërta, të pesta, të gjashta dhe klasat e dhjeta, raporton Front Online.

Hapja e shkolla është sipas rekomandimeve nga Ministria e Arsimit dhe Ministria e Shëndetësisë, përkatësisht IKSHPK, duke zbatuar të gjitha masat anticovid.

Në hapjen e disa prej shkollave ishin të pranishëm edhe kryetari i Komunës së Malishevës, Ragip Begaj dhe drejtori i Drejtorisë për Arsim dhe Edukim, Blerim Thaçi, të cilët në emër të Task Forcës komunale, kanë parë nga afër zbatimin e masave për mbrojtje ndaj Covid-19.

Kryetari Begaj dhe drejtori Thaçi, i kanë uruar nxënësit me rastin e fillimit të vitit të ri shkollor dhe ju kanë dëshiruar suksese në mësime, e po ashtu kanë kërkuar nga të gjithë nxënësit dhe mësimdhënësit, që të zbatojnë të gjitha masat mbrojtëse dhe parandaluese në raport me pandeminë Covid-19./Front Online

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Sponsoruar