Kandidati për kryeministër nga radhët e PDK-së Bedri Hamzaj ka kujtuar Luan Haradinajn, në 27 vjetorin e rënjes së tij.
Sipas Hamzajt trimëria dhe vetëdija patriotike e Luanit, qysh në moshë të re, është pasqyrë e shumë brezave dhe familjeve shqiptare, që kanë ushqyer kauzën e Kosovës shtet të pavarur, gjeneratë pas gjenerate.
“Luan Haradinaj kështu u rritë, në sofrën e bacës Hilmi, në Kullën e rezistencës në Gllogjan dhe ndonëse i ri në moshë, ai u bashkua në celulat e para të UÇK-së, për ta jetësuar këtë amanet”, shkroi Hamza në Facebook.
“Ata që e njohën nuk kursyen fjalët më sublime të trimërisë e ata që luftuan krah me të, morën zemër që edhe pas vrasjes së tij nga forcat serbe, ta vazhdojnë rrugën mes dhimbjes e forcës për çlirimin e Kosovës, dhe Kosova u bë, u rilind falë luanëve si Luan Haradinaj!”, shtoi ai.
