Bota/Rajoni

Gjuriqi do të donte që edhe William Walkerin në Hagë

Gjuriqi do të donte që edhe William Walkerin në Hagë
10:15 | 10 Korrik 2020

Drejtori i Zyrës për Kosovën në Qeverinë e Serbisë, Marko Gjuriq shprehet i bindur se ambasadori William Walkeri është përgjegjës për nxitjen e luftës në Kosovë dhe për agresionin në RFJ (Republikën Federative të Jugosllavisë) raporton Tanjug, transmeton Koha.net.

Sipas tij ai duhet të përgjigjet bashkë me liderët e “UÇK-së terroriste”, siç e quan ai Ushtrinë Çlirimtare të Kosovës, ndërsa injoron masakrat e forcave serbe mbi popullsinë civile në Kosovë dhe dëbimin masiv të saj nga trojet e veta.

“Ai është personi i fundit i cili do të guxonte të flasë për krimet, ndërsa nga të parët i cili do të duhej të përgjigjet për krimet”, ka thënë Gjuriq thuhet në komunikatën për media të kësaj Zyre.

Ndaj pohimit të Walkerit se Aleksandar Vuçiq do të duhej të përgjigjej për krimet në Kosovë, sepse atëherë ishte ministër në Qeveri (të Millosheviqit – sqarim ynë), Gjuriq ka thënë se Walker “është njëri nga inspiratorët e luftës së ndyrë propaganduese kundër Serbisë dhe qartas i nxitur nga narkodilerët shqiptarë ka vazhduar të luaj rolin e apologjetit të UÇK-së terroriste”.

William Walker ishte shef i Misionit Verifikues të OSBE-së në Kosovë, i cili alarmoi botën për krimet serbe në Kosovës, pas masakrës së Raçakut.

Natën e Kurban Bajramit Petrol Company shpërndan 40 pako ushqimore për fëmijët jetim në Kosovë

Të tjera