Pasditen e kësaj të mërkure ka përfunduar shqyrtimi i kërkesës nga SPAK për masën e sigurisë “arrest me burg” për ish-presidentin, Ilir Meta.
GJKKO ka vendosur të lërë në fuqi masën e arrestit me burg për Metën, ndërsa ka ndryshuar masën për Piro Xhixhon, duke e kaluar nga “arrest shtëpie” në “detyrim paraqitje”.
Seanca, e cila ka zgjatur rreth 4 orë, pasi nisi në orën 13:30, ka vlerësuar kushtet e zbatimit të masave të sigurisë lëshur mbi Metën, sa i takon çështjes së CEZ DIA, hetimit pasuror të familjes Meta, por edhe lobimit të ish-LSI në SHBA.
Meta dhe Kryemadhi janë mbrojtur vetë para gjyqtarit Erjon Çela, ndërsa akuza përfaqësohej nga 3 prokurorë: Altin Dumani, Arben Kraja dhe Sotir Kllapi./Euronews/
