Gjendja shëndetësore e 20-vjeçarit që u ther me thikë para pak orësh të premten nga një 17-vjeçar në Ferizaj është stabile.
Këtë e ka konfirmuar për Radio Dukagjinin drejtori i Kirurgjisë Torakale në QKUK, Nazmi Kolgeci.
”Është vetëm pneumotoraks, therje me thikë në anën e majtë… Lëndimi është në anën e majtë. Është vetëm pneumotoraks, nuk është gjakderdhje… për momentin gjendja është krejt stabile”, ka thënë Kolgeci.
Kurse më herët ka njoftuar Polica e Kosovës, të cilët kanë dhënë se është arrestuar i dyshuari në këtë rast dhe me vendim të prokurorit kujdestar është ndalur për 24 orë.
I lënduari menjëherë për ndihmë mjekësore është dërguar në Qendrën Emergjente në Ferizaj, e më pas për tretman të mëtutjeshëm mjekësorë është transportuar për në Qendrën Klinike Universitare në Prishtinë. Ekipe të policisë, policët e rendit, hetuesit e stacionit, hetuesit rajonal të mbështetura edhe nga njësi të tjera kanë identifikuar të dyshuarin E.C ( M/K) i moshës 17 vjeçar dhe menjëherë kanë rrethuar zonën përreth dhe pas një pune intensive në terren, në orën 19:30 kanë arritur që të arrestojnë të dyshuarin e kësaj ngjarje dhe e kanë shoqëruar në Sektorin Rajonal të Hetimeve në Ferizaj për procedura tjera hetimore”, thuhet në njoftim.
