Një person është gjetur pa shenja jete derisa ishte në vuajtje të dënimit në Qendrën e Paraburgimit në Hajvali.

Policia, përmes raportit 24 orësh ka njoftuar se vdekjen e tij e ka konstatuar mjeku kujdestar.

Ndërsa, raportohet se i njëjti ka qenë përdorues i substancave narkotike.

Njoftimi i plotë:

HETIM MBI VDEKJEN

Qendra e Paraburgimit Hajvali, Prishtinë 26.02.2024 – 07:51. Derisa ka qenë në vuajtje të dënimit një mashkull kosovar është gjetur pa shenja jete, vdekjen e personit e ka konstatuar mjeku kujdestar. Raportohet se i njëjti ka qenë përdorues i substancave narkotike. Me vendim të prokurorit trupi i pajetë është dërguar për obduksion në IML Prishtinë./Front Online