Reperi i njohur, Feronit Shabani – Fero, po vazhdon të jetë krye-temë e mediave rozë lidhur me postimet e tij të fundit në rrjetet sociale.

Pasi dha dorëheqje nga muzika dhe iu përkushtua fesë, Fero ka treguar se ka shuar për vizitë në Arabinë Saudite.

Gjilanasi ka shkuar atje me qëllimin për të vizituar dy qytetet e shenjta: Mekën dhe Medinën.

E udhëtimin e tij për në shtetin e largët të Lindjes së Mesme, ish-reperi e dokumentoi përmes fotografive dhe videove të publikuara në rrjetet sociale.

Ai tregoi se ka vizituar Xhaminë e parë të profetit Muhammed, si dhe disa lokacione të tjera me rëndësi fetare.

I veshur me të bardha, me veshjet tradicionale myslimane, Fero duket të ketë kryer të gjitha ritet fetare të nevojshme gjatë vizitës në Arabi.

Ish-reperi bëri bujë të madhe në media këtë vit me largimin e tij nga muzika dhe përkushtimin në fenë islame. /Telegrafi/