×
  • Vip
  • Vip

    Fejesa e fshehtë e Irkenc Hykës, si i dha fund beqarisë muzikanti që i këndon vuajtjes në dashuri

    FrontOnline
    05 Shtator 2020

    Irkenc Hyka është një nga talentet e tregut të muzikës, që duket se në këto vite fati i ka ecur jo vetëm në muzikë, por edhe në dashuri. Po si qëndron e vërteta e historisë së tij të fshehtë, ndërkohë që në sytë e publikut njihet si djali melankolik dhe shumë i ndjeshëm, që i këndon shpesh vuajtjes në dashuri?

    Në dhjetor të vitit të kaluar, ndërsa ishte i ftuar në emisionin “Shiko kush luan”, muzikanti Irkenc Hyka zbuloi se po përjetonte prej 3 vitesh një romancë dhe kjo ishte deklarata e tij e parë publike, para se t’i dhuronte të zgjedhurës së tij unazën e fejesës.

    Ai nuk preferoi ta zbulonte identitetin e vajzës që i ka vjedhur zemrën dhe po qëndron prej 3 vitesh krah tij, por e vërteta është zbuluar më në fund.

    Në fakt, çifti i paska dhënë fund beqarisë dhe këtë vendim e fakton unaza në gishtin e partneres së Irkencit, vajzës që nuk njihet në publik e që quhet Abi Fregjaj.

    Ajo ka treguar thonjtë e rinj në “Instastory”, duke fokusuar më shumë unazën në gishtin e fejesës. Nuk dihet se kur ekzaktësisht Irkenci dhe Abi i kanë thënë “po” njëri-tjetrit, por nga disa foto si çift, ata shihen shumë të lumtur pranë njëri-tjetrit.

    Është partnerja e tij Abi, e cila ka bërë shumë postime me këngëtarin në profilin e saj në “Instagram”, ku nuk mungojnë komentet e miqve, të cilët janë në dijeni të kësaj historie të bukur deri tani, të mbajtur larg vëmendjes së mediave.

    E kush është Irkenc Hyka, djali i muzikës që ka vendosur të flasë më shumë me punën e tij sesa me daljet mediatike?

    I lindur në Tiranë, vitet e fundit në rrethin e artistëve ai njihet si këngëtar dhe autor këngësh i disa emrave në muzikë. Irkenci ka filluar të merret me muzikë që në moshën 17- vjeçare, pas eksperiencave që fëmijë në festivale.

    I diplomuar në Liceun Artistik për Kanto, Irkenci ka bashkëpunuar me këngëtarë të njohur dhe sot vazhdon të punojë dhe të kompozojë në studion e tij muzikë për vete dhe të tjerët.

    Në 2014-ën mori pjesë në “Kënga Magjike” me këngën “Ajo”. Në 2017-ën ra në sy me videoklipin “Haram” apo “Një lamtumirë”, në bashkëpunim me Danin.

    Mes bashkëpunimeve të tij me Kaltrina Selimin apo Mimoza Shkodrën veçohet ai me Nora Istrefin, me titull “Jena nda”, apo me Don Phenom me këngën “A je vetëm”.

    Bashkëpunimet e tij të shumta janë me muzikantin dhe tekstshkruesin më të kërkuar të momentit, Endrit Mumajesin (Muma), i cili ka shkruar tekstet e tij, siç ishte produksioni mjaft i pëlqyer i vitit të kaluar me titull “Këngë shpirti”.

    Juliana: E kuptoj që e kam lëndu djalin dhe e marr mbi supet e mia këtë (VIDEO)
    Nga Rubrika
    Vip29 Mars 2024
    Sipas një video që po qarkullon në rrjet, reperi Sin Boy është sulmuar brutalisht nga disa persona të maskuar. Sin Boy ishte...
    Vip29 Mars 2024
    Markat e ndryshme të modës, sidomos ato luksoze, shpeshherë krijojnë produkte me dizajne unike, e të cilat jo rrallëherë edhe kritikohen shumë...
    Vip28 Mars 2024
    Aktori i mirënjohur shqiptar, Enver Petrovci, ka qenë para pak ditësh i ftuar në “Show i së premtes” me Adelina Ismailin. Ai...
    Të tjera
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....
    Sport29 Mars 2024
    Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e...

    FrontOnline, © 2024 Të gjitha të drejtat e rezervuara.