Ndërsa shumëkush mund të mos i dijë ose t’i injorojë funksionet e saj, fshikëza e urinës është një nga organet e rëndësishme të trupit që ndodhet në pjesën e poshtme të barkut dhe është përgjegjëse për ruajtjen e urinës, të prodhuar nga veshkat. Kur një tumor formohet në fshikëz ose kur shihet një rritje e indeve jonormale në fshikëz ose në shtresën e saj, quhet kancer i fshikëzës, por tumori më pas përhapet në organet ose muskujt përreth.

Kanceri i fshikëzës urinare është një nga format më të zakonshme të kancerit. Kanceri i fshikëzës në fazën e hershme mund të përsëritet edhe pas trajtimit të suksesshëm. Prandaj, është e domosdoshme të përqendroheni në menaxhimin efektiv të sëmundjes së kancerit të fshikëzës, pasi pacientët kanë nevojë për teste përcjellëse për vite me radhë.

Sipas mjekëve, ekzistojnë disa faktorë rreziku të vendosur që mund të rrisin shanset për zhvillimin e kancerit të fshikëzës: Pirja e duhanit, obeziteti, ekspozimi ndaj kimikateve dhe aminave aromatike, infeksione të përsëritura ose të zgjatura të urinës, trajtimi i mëparshëm për kancerin e fshikëzës, histori familjare të kancerit të fshikëzës

Për trajtimin efektiv të kancerit të fshikëzës, mjekët sugjerojnë opsionet e trajtimit: Kirurgji, kimioterapi, radioterapi dhe imunoterapi.

Është e mundur të parandalohet kanceri i fshikëzës duke mbajtur një mënyrë jetese të shëndetshme, dietë të ekuilibruar me sasi të larta të frutave dhe perimeve dhe ushtrime fizike në konsultim me një profesionist mjekësor. Gjithashtu, duhet të bëhen kontrolle të rregullta shëndetësore për të kuptuar rrezikun e zhvillimit të kancerit.