×
  • Bota/Rajoni
  • Bota/Rajoni

    Elez Biberaj emërohet drejtor në detyrë i Zërit të Amerikës

    FrontOnline
    01 Korrik 2020

    Agjencia e Shteteve të Bashkura për Median Globale (USAGM) ka emëruar gazetarin me përvojë të Zërit të Amerikës Elez Biberaj në postin e drejtorit në detyrë të Zërit të Amerikës.

    Emërimi i zotit Biberaj u njoftua përmes një emaili drejtuar stafit të martën nga shefi i ri ekzekutiv i Agjencisë Amerikane për Median Globale Michael Pack. Po ashtu u njoftua edhe emërimi i drejtuesve në detyrë për rrjetet e tjera informative që mbikqyren nga USAGM dhe financohen nga qeveria amerikane.

    Mesazhi i Drejtorit në Detyrë, Elez Biberaj drejtuar punonjësve të Zërit të Amerikës.

    Zoti Elez Biberaj ka drejtuar Divizionin e Euro-Azisë që nga viti 2006. Në këtë detyrë ai ka mbikqyrur trasmetimet e Zërit të Amerikës për Rusinë, Ukrainën, Armeninë dhe Ballkanin. Më parë ai ishte shef i shërbimit shqip të Zërit të Amerikës.

    Zoti Biberaj mban një doktoraturë për shkenca politike nga Universiteti Columbia dhe është autor i katër librave, përfshi “Shqipëria në Tranzicion: Rruga e vështirë drejt demokracisë”.

    Emërimi vjen ndërsa vëmendja e publikut është përqendruar tek pavarësia editoriale e Zërit të Amerikës. Pararendëset e zotit Biberaj në krye të Zërit të Amerikës, Amanda Bennet dhe zëvendësja e saj Sandy Sugawara, dhanë dorëheqjen disa ditë para se zoti Pack të pushonte nga puna drejtuesit e tjerë të lartë të rrjeteve të financuara nga qeveria amerikane në fillim të muajit.

    Emërimet e drejtuesve të rinj, të njoftuara për stafin mëngjesin e së martës, përfshijnë edhe Jeffrey Scott Shapiro në postin e zëvendës drejtorit të Zyrës për Transmetimet në Kubë. Zoti Shapiro është një avokat, analist ligjor dhe gazetar i cili punoi për faqen e lajmeve në internet “Breitbart”, para se të bëhej këshilltar në këtë rrjet në vitin 2017.

    Parameswaran Ponnudurai, zëvendës president për programet në Radion Azia e Lirë që nga viti 2014, u emëruar president në detyrë në këtë rrjet.

    Kelly Sullivan, një drejtuese e lartë në rrjetin për Trasmetimet për Lindjen e Mesme, u emërua presidente në detyrë. Daisy Sindelar, një nga menaxheret me përvojë në Radion Evropa e Lirë/Radio Liria, u emërua presidente në detyrë për rrjetin RFE/RL.

    Michael Pack u konfirmua nga Senati me 4 qershor, afro dy vjet pasi ishte emëruar në këtë post nga Presidenti Donald Trump. Ai tha se emërimet e njoftuara të martën, “do të sherbejnë në role kritike për të mundësuar që rrjetet tona të kenë rezultate më të larta dhe për t’i shërbyer me më efikasitet audiencës tonë”.

    Së bashku, të pesë rrjetet e lajmeve të Agjencisë së Shteteve të Bashkura për Median Globale, përfshirë Zërin e Amerikës, kanë një audiencë javore globale prej më shumë se 350 milionë dëgjuesish, shikuesish, dhe ndjekësish në internet në 61 gjuhë./VOA/

    Nga Rubrika
    Bota/Rajoni10 Maj 2025
    Presidenti amerikan Donald Trump, tha të shtunën se India dhe Pakistani kanë rënë dakord për një “armëpushim të plotë dhe të menjëhershëm”...
    Bota/Rajoni10 Maj 2025
    Ministri i informacionit për Kashmirin e administruar nga Pakistani tha se 11 persona u vranë, përfshirë një fëmijë, dhe 56 të tjerë...
    Bota/Rajoni10 Maj 2025
    Kryeministri britanik, Keir Starmer dhe liderët e tjerë evropianë, Presidenti francez Macron, kancelari i ri gjerman Friedrisch Merz dhe kryeministri polak, Donald...
    Të tjera
    Vip10 Maj 2025
    Organizatorët e Eurovision Song Contest 2025 janë gati të sjellin një “twist” të papritur në mënyrën se si do të mësojmë kush...
    Lajme10 Maj 2025
    Presidenti i Këshillit Evropian, Antonio Costa, më 14 maj do të qëndrojë për vizitë në Kosovë në kuadër të një turneu në...
    Vip10 Maj 2025
    Feronit Shabani i njohur si Fero, pak më parë dha lajmin se pas divorcit me Arbenita Ismajlin, ishte martuar përsëri me vajzën,...
    Lajme10 Maj 2025
    Kreu i LVV-së dhe kryeministri në dorëheqje Albin Kurti ka zgjedhur Këshillin e Përgjithshëm të partisë së tij për të folur për...
    Lajme10 Maj 2025
    Kreu i LVV-së, Albin Kurti, në mbledhjen e Këshillit të Përgjithshëm të partisë ka folur për bllokadën në Kuvendin e Kosovës dhe...
    Lajme10 Maj 2025
    Kreu i LVV-së, Albin Kurti, ka shkruar edhe për letrat për takime që ua ka drejtuar liderëve të PDK-së dhe LDK-së. Kurti...
    -->

    FrontOnline, © 2025 Të gjitha të drejtat e rezervuara.