Ekonomi

Ekonomistët ia kthejnë Kurtit: Ekonomia është në krizë, nuk po lulëzon

Ekonomistët ia kthejnë Kurtit: Ekonomia është në krizë, nuk po lulëzon
19:15 | 10 Qershor 2022

Është i bindur që ekonomia e Kosovës është duke lulëzuar

Kështu së paku po mendon kryeministri i Kosovës, Albin Kurit.

Ai gjatë një fjalimi në Britani të Madhe në fokus kishte ekonominë e vendit, e për të cilën theksoi edhe indikatorët ekonomikë, shkruan Front Online

Mirëpo, me këtë nuk po pajtohet, Ferat Shala,  kryesues i Komisionit për Ekonomi, Industri, Ndërmarrësi dhe Tregti.

Ai në një bisedë telefonike për Front Online tha se një krizë e tillë nuk ka qenë në 20 vitet e fundit.

“Parimisht ekonomia në 20 vjetshin e fundit asnjëherë nuk ka qenë në situatë më të rëndë. Çështja e inflacionit tashmë është dyshifrorë, çështja e të gjitha burimeve të shportës dhe të gjitha produkteve që ekonomia familjare e konsumon sot, janë jashtëzakonisht në situatë ku i ka kaplu një inflacion dhe një krizë që s’ka qenë asnjëherë. Parimisht çdo deklaratë e kryeministrit Kurti në këtë relacion, është në disproporcion me realitetin dhe të vërtetën për gjendjen sociale në Kosovë”, tha ai për Front Online.

Të njëjtën e thotë edhe eksperti i kësaj fushe, Musa Limani.

Ai thotë se anija po fundoset, e ekonomia e Kosovës është në krizë.

“Unë do të them se anija po fundoset, ekonomia e Kosovës është në krizë, prandaj nuk është duke lulëzuar, por është në krizë. Dhe nëse të gjitha parametrat që tregojnë nivelin e zhvillimit ekonomik karshi negativit. Për shembull produkti vendor për një banor është më i ulëti në rajon, norma e papunësisë më e madhe, eksporti me një strukturë të pavolitshme, prandaj ekonomia e Kosovës është në krizë e jo në lulëzim”, u shpreh ai për Front Online.

Në Kosovë, rritja e çmimeve të produkteve dhe shërbimeve, ka qenë 11.2 për qind në muajin prill.

Agjencia e Statistikave të Kosovës ka publikuar ka publikuar “Indeksin e Harmonizuar të Çmimeve të Konsumit” (IHÇK) për muajin Maj 2022.

Sipas ASK-së, Indeksi i tërësishëm i harmonizuar i çmimeve të konsumit është më i lartë në një mesatare prej 12,5 për qind në muajin maj 2022  krahasuar me muajin maj 2021, transmeton Front Online.

8 Marsi në Park Hotel & Spa – Që t’i të ndjehesh si Mbretëreshë ….

Të tjera