Opinione

Edi Rama e jetësoi formulën serbe: “Dy shtete – dy qëndrime”

Edi Rama e jetësoi formulën serbe: “Dy shtete – dy qëndrime”
21:53 | 29 Korrik 2021

Baton Haxhiu para gati 8 muajsh, ka deklaruar nga televizori se Kosova mban peng politikën e Tiranës.

Tirana për çdo veprim në Ballkan, duhet të llogarisë çështjen e Kosovës. Kjo – sipas Batonit – duhet të marrë fund, Tirana duhet ta kapërcejë Kosovën dhe të bëjë politikë pa llogaritur Kosovën.

Dëshira e Batonit dhe e hartuesve të deklaratës së tij, tashmë u përmbush. Interesi i Serbisë ka qenë që t’i ndajë dy shtetet shqiptare. Formulën “Një komb – një qëndrim” ta kthejë në “Dy shtete – dy qëndrime”. Edi Rama, kapërceu Kosovën. E jetësoi formulën serbe. Ai nuk mori parasysh interesat e Kosovës. Nuk pyeti se çështja e Kosovës është ende në proces. Nuk respektoi as marrëveshjen e 2014 “Thaçi-Rama” për kordinim të veprimeve.

Shqipëria ka obligim kushtetues dhe obligim kombëtar që të gjitha veprimet e veta politike në Ballkan, t’i ndërmarrë duke llogaritur interesat e Kosovës. Nuk mund, politika në Tiranë, të sillet sikur Kosova është shtet fqinj dosido. Kjo është ëndrra e të tjerëve.

Duke kapërcyer Kosovën, Edi Rama suprimoi postin e kryeministrit të shqiptarëve dhe u shpall një vojvodë serb në Tiranë. Vojvodë, për ata që nuk e dinë, quhej qeveritari mesjetar serb. Një kryeministër shqiptar nuk do përfshihej në projekte të tilla pa u kordinuar me kryeministrin e Kosovës.

Cili është mesazhi sot? Shqipëria i shërben stabilitetit e bashkëpunimit ballkanik, ndërsa Kosova e cila nuk përfshihet në minishengen, qenka shtet problematik e jobashkëpunues? Ketë mesazh duan të japin?

Opozita në Tiranë duhet të shprehet qartë për ketë tradhëti të interesave kombëtare.

Përfito FALAS një pushim për çift në Budva

Të tjera