OVL-UÇK, dega në Lipjan ka marrë vendim që të përjashtojë Skender Llugiqin, pasi kishte kërcënuar në Kuvend Ramush Haradinajn.

OVL ka thënë e ky përjashitm duhet të jetë mesazh i qartë për secilin: kushdo që tenton ta njollosë, ta përçmojë apo ta përdorë për përçarje Luftën e shenjtë të UÇK-së.

“OVL-UÇK – Dega në Lipjan do të jetë gjithmonë në mbrojtje të vlerave të shenjta të Luftës Çlirimtare dhe të dinjitetit të atyre që luftuan e sakrifikuan për lirinë e Kosovës. Ky vendim duhet të jetë mesazh i qartë për secilin: kushdo që tenton ta njollosë, ta përçmojë apo ta përdorë për përçarje Luftën e shenjtë të UÇK-së, si dhe kushdo që fyen, kërcënon apo denigron bashkëluftëtarët dhe figurat e saj, do të përballet pa përjashtim me përgjegjësinë dhe masat që parashihen nga Statuti dhe rregulloret e organizatës”.

“Askush nuk është dhe nuk do të jetë mbi vlerat për të cilat u derdh gjak. UÇK-ja dhe sakrifica e dëshmorëve, invalidëve e veteranëve do të mbrohen me dinjitet, vendosmëri dhe pa kompromis. Respekt për luftën. Respekt për bashkëluftëtarët. Respekt për UÇK-në”, thuhet në reagim.