Mëlçia është një organ jashtëzakonisht i rëndësishëm në trupin tonë sepse pastron dhe përpunon të gjitha substancat që marrim nëpërmjet ushqimit, ndaj me të drejtë ka epitetin e një pastruesi të trupit. Për ta mbajtur atë në gjendje të mirë për sa kohë të jetë e mundur dhe që ajo të mund të punojë pa pengesa, është e rëndësishme të shmangni ushqimet që mund të kenë një efekt të keq tek ajo.
Ajo që mund të ketë një efekt jashtëzakonisht të keq në të është fruktoza. Është një fakt i njohur se marrja e tepërt e fruktozës rrit rrezikun e zhvillimit të diabetit të tipit 2, por është një fakt pak i njohur që mund të rrezikojë edhe shëndetin e mëlçisë.
Fruktoza është një sheqer që gjendet në fruta si mollët, bananet, qershitë, shalqinjtë, dardhat etj. Përveç kësaj, është pjesë përbërëse e shumë llojeve të ushqimeve të përpunuara industrialisht. Ato gjenden në lëngjet e blera, por edhe në produktet e qumështit, madje edhe në ushqimet e kripura.
Pesë simptoma tregojnë nëse keni sheqer të lartë në gjak
AHA (American Heart Association) ka rekomanduar që vetëm 6 për qind e numrit të përgjithshëm të kalorive duhet të jenë sheqerna shtesë. Ekziston një mendim se gratë duhet të konsumojnë rreth 100 kalori sheqer shtesë në ditë (që është afërsisht 25 gramë), dhe burrat 150 kalori (ose 36 gram).
Disa nga ushqimet e tjera që ndikojnë negativisht në mëlçi dhe mund ta dëmtojnë atë janë alkooli, ushqimet e skuqura, brumërat që përmbajnë miell të bardhë, ushqimet me përmbajtje të lartë kripë, etj./FrontOnline/