Mbajtja e nivelit të yndyrës viscerale në minimum është vendimtare për shëndetin e të gjithë trupit. Një dietë e pasur me yndyrë të ngopur dhe sheqer dihet se rrit yndyrën viscerale, dhe disa ushqime gjithashtu mund të ndihmojnë në reduktimin e saj.

Një studim tregoi se dy barishte që përdorim shpesh në gatim kanë efekte në reduktimin e yndyrës së brendshme, përkatësisht rigon dhe majdanoz.

Gjegjësisht, hulumtimi i vitit 2012 zbuloi se karvakroli – një fenol që gjendet në vajin esencial të prodhuar nga rigoni, mund të zvogëlojë yndyrën.

Për të marrë sa më shumë përfitime për humbjen e yndyrës nga rigoni, duhet të përfshini vajin e rigonit në dietën tuaj dhe mund të merret edhe në formë suplementi.

Një studim i veçantë, i publikuar në vitin 2018, thotë se ngrënia e majdanozit është gjithashtu e shkëlqyeshme për humbjen e yndyrës viscerale. Studimi tregoi gjithashtu një rritje të aktivitetit antioksidues në trupat e atyre që hanin majdanoz.

“Si përfundim, humbja e peshës me ndihmën e majdanozit, përveç një diete për uljen e peshës, mund të ulë peshën dhe indeksin e masës trupore, si dhe të rrisë aktivitetin e enzimave antioksidante te subjektet obezë”, thuhet në studimin e sipërpërmendur.

Shkaktarët kryesorë të akumulimit të yndyrës viscerale janë konsumimi i shumë ushqimeve me yndyrë dhe aktiviteti i pamjaftueshëm fizik dhe ekspertët shprehen se mbi të gjitha duhet të ndryshohen zakonet e jetesës në tërësi./FrontOnline/