Ministrja e Kulturës, Rinisë dhe Sportit, Vlora Dumoshi ka bërë homazhe para Teatrit Kombëtarë për vdekjen e Adem Mikullovcit, raporton Front Online.

Ajo tha se në kohët më të vështira, Mikullovci ka sjellë gëzime në familjet tona, derisa u shprehi ngushëllime familjarëve të tij dhe komunitetit artistik.

“Kam qenë në familjen e tij dhe për shkak të pandemisë ne po mundohemi në këtë mënyrë të organizojmë homazhet”, tha ajo.

Dumoshi shtoi se këtë vit kanë ikur disa emra kulminant të artit në Kosovë.

“Adem Mikullovci njihet edhe si politikan i viteve të 90-ta por edhe si deputet i Kuvendit. Në kohët më të vështira ai na ka sjellë shumë herë gëzime.

Unë e ngushëlloj të gjithë komunitetin artistik e posaçërisht familjen e tij”, shtoi ajo./Front Online/

https://www.facebook.com/FrontOnlineMedia/videos/620923238816108/