Mbretëresha e muzikës pop, Dua Lipa, feston sot ditëlindjen.
Këngëtarja me prejardhje shqiptare po kremton 27-vjetorin e lindjes.
Karrierën muzikore Lipa e nisi qysh në moshën 14-vjeçare, duke bërë së pari “covers” të këngëve të famshme, për të përfunduar në stadiume të stërmbushura me fansa të muzikës së saj.
Ylli me famë botërore së fundmi vizitoi rrënjët e saj, Kosovën, me rastin e organizimit të një prej festivaleve më të mëdha muzikore në Ballkan, “Sunny Hill Festival”.
Këtë të fundit Lipa e organizon bashkë me babanë e saj Dukagjinin, që nga viti 2018.
Dua Lipa momentalisht është duke e shijuar suksesin e jashtëzakonshëm të albumit të saj të fundit “Future Nostalgia”, me të cilin ka përqafuar katër anët e globit.