Lajme

Detaje të reja: AKI informoi kryeministrin Kurti për kërcënimin

Detaje të reja: AKI informoi kryeministrin Kurti për kërcënimin
23:29 | 27 Tetor 2021

Kryeministri i Kosovës, Albin Kurti është kërcënuar.

Lajmin për FrontOnline, e ka konfirmuar zëdhënësi i Qeverisë së Kosovës, Përparim kryeziu.

Ai ka thënë se për këtë arsye, është rritur edhe niveli i tij i sigurisë.

“Kryeministri Kurti është kërcënuar.  Për këtë arsye, si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë tashmë janë duke bërë punën e tyre. Ato bëjnë vlerësimet e nevojshme dhe ndërmarrin masat përkatëse. Në anën tjetër, kryeministri vazhdon angazhimin e tij të rregullt”, ka thënë Kryeziu

Gazeta Blic merr vesh se informata për kërcënim ndaj kryeministrit Kurti, ka ardhur nga Agjencia Kosovare e Intelegjencës (AKI).

AKI kishte informuar stafin e kryeministrit Kurti dhe institucionet tjera të sigurisë që të shtohet mbrojtja fizike për kryeministrin, pasi që jeta e tij mund të jetë në rrezik.

Kjo informatë zyrtare e AKI-së, ka shtyrë që të shtohen masat e sigurisë tek shtëpia ku banon kryeministri, Albin Kurti.

Shumë forca të Njësisë Speciale, u panë mbrëmjen e së mërkurës, tek shtëpia e kryeministrit.

Siç merr vesh Gazeta Blic, me të marrë informatën nga AKI, Policia e Kosovës ka nisur forca drejt shtëpisë së Kurtit.

Ende nuk dihen detajet e këtij alarmi nga institucioni më i lartë i intelegjencës kosovare.

 

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera