Një person ka raportuar në Policinë e Kosovës se gjatë ditës së djeshme i është dëmtuar vetura deri sa e kishte të parkuar në parkingun e një hoteli në Komunën e Graçanicës.
Sipas raportit 24-orësh të policisë, ankuesi kosovar ka njoftuar policinë se xhami dhe pasqyra e veturës së tij që ishte e parkuar në parkingun e një hoteli është dëmtuar nga persona të panjohur.
“Po ashtu në afërsi të veturës patrulla policore ka gjetur edhe dy fishekë kal. 9mm. (të pa shkrepur) të cilët janë sekuestruar nga njësia e forenzikës”, thuhet në raportin e policisë.
