Gianni de Biasi ishte trajneri që i bëri krenar të gjithë shqiptarët.

Tekniku italian arriti ta kualifikojë Shqipërinë për herë të parë në Kampionatin Evropian në vitin 2016, shkruan FrontOnline.

De Biasi tani ka thënë se Shqipëria është në rrugën e duhur për të qenë protagoniste në turne si evropiani apo botërori.

“Besoj që Shqipëria ka një skuadër të rëndësishme, me lojtarë që luajnë shumë në Serie A, shumë të tjerë nëpër Europë, në Spanjë”, ka thënë De Biasi.

“Janë lojtarë që kanë shumë përvojë, çka i duhet edhe Rejës për të nxjerrë më të mirën nga këta djem. Po t’i kisha unë këta lojtarë me përvojë, një skuadër me lojtarë që mund të përballen në kampione të rëndësishëm. Lojtarët e mi (Azerbajxhanit) luajnë të gjithë në kampionatin vendas dhe nuk është mes më të rëndësishmëve në botë”, tha ai në një intervistë për Euro Toptani në A2./FrontOnline/