Albin Kurti i Lëvizjes Vetëvendosje dhe Vjosa Osmani kanë finalizuar marrëveshjen për koalicion për zgjedhjet e 14 shkurtit.
Ndaj këtij vendimi ka reaguar Partia Demokratike e Kosovës (PDK).
Me anë të një postimi në Facebook, zëdhënësi i PDK’së, Avni Bytyqi ka thënë se nëse dikush e studion rastin e kalimit të Vjosa Osmanit në VV në formë të mirëfilltë, do të zbulojë një teori të re për infiltrim dhe shkatërrim të oponentëve politik.
“Lufta e Trojës më nuk do të jetë referencë për taktizime, por Vjosa e Albinit”, ka shkruar ai.
Madje Bytyqi ka pyetur Kurtin se çfarë ka ndodhur me Murat Jasharin, i cili dikur lakohej si emër për president nga kreu i VV’së.
Postimi i plotë i Bytyqit në Facebook:
Jam bindur se nëse dikush e studion rastin e kalimit të Vjosa Osmanit në Lëvizjen Vetëvendosje në menyrë të mirëfilltë, do të zbuloj një teori të re politike për inflitrim, përçarje dhe shkatrrim të oponentëve politik. Lufta e Trojës më nuk do të jetë referencë për taktizime, por Vjosa e Albinit.
Edhe nëse Vjosa Osmani është kandidatja e Lëvizjes Vetëvendosje për Presidente, çka ndodhi me Murat Jasharin?
A harrova, se edhe ai është i Drenicës!.
