Bota/Rajoni

Britania do t’i ndalojë terapitë “shëruese” për homoseksualët

Britania do t’i ndalojë terapitë “shëruese” për homoseksualët
10:51 | 21 Korrik 2020

Kryeministri i Britanisë së Madhe, Boris Johnson, ka thënë se të ashtuquajturat terapi shërimi për homoseksualët janë absolutisht të neveritshme dhe do të ndalohen me ligj.

Trajtimet dhe praktikat e ndryshme, me të cilat pretendohet se mund të ndërrohet orientimi seksual i njerëzve, kanë qenë kundërthënëse për vite të tëra.

Ministrat britanikë kishin premtuar në vitin 2018 se do t’i bëjnë të paligjshme këto trajtime, por prej asaj kohe është shënuar pak përparim në këtë aspekt, shkruan “Daily Mail”, transmeton Gazeta Express.

“Unë mendoj se kjo është absolutisht e neveritshme dhe nuk ka vend në një shoqëri të civilizuar, nuk ka vend në këtë shtet”, tha shefi i qeverisë britanike.

“Ajo që do të bëjmë ne është një hulumtim nëse kjo është duke ndodhur, sa shpesh është e shfaqur dhe pastaj do t’i çojmë përpara planet për ta ndaluar atë”, shtoi ai.

Sipas një studimi qeveritar të vitit 2018, 2 për qind e personave homoseksualë në Britaninë e Madhe u janë nënshtruar terapive me të cilat pretendohet ndërrimi i orientimit seksual, ndërsa 5 për qind kanë pasur oferta për terapi të këtilla.

Petrol Company hap pikën më të re në Orllat me super çmime për Black Friday: Diesel 1.51€ dhe Benzinë 1.38€

Të tjera