Këngëtarja shqiptare Bebe Rexha diskutoi për seksualitetin e saj në një intervistë të re, duke thënë se ajo ka “rënë në dashuri me një vajzë” në të kaluarën dhe gjithashtu ka qenë në lidhje me vajza të famshme. Bebe ka ndarë më shumë informacione rreth seksualitetit dhe jetës së saj të dashurisë, e cila ka përfshirë edhe kolegët e tjerë të famshëm.

Në një intervistë të postuar të mërkurën, 5 maj, këngëtarja 31-vjeçare e “Meant to Be” zbuloi për revistën ‘U.K. Gay Times’ se ajo ka qenë më parë në lidhje me gra, përfshirë ato të famshme, dhe aktualisht është në një lidhje me një mashkull.

“Ajo që unë besoj në lidhje me seksualitetin është kjo: është një shkallë. A kam dalë më parë me vajza? Po. A kam qenë në lidhje me vajza? Po, kam qenë. Dhe të famshme, por nuk po ua përmendi emrin. Edhe pse njerëzit do të donin tra dinin për to – jo!”, u shpreh Bebe. Ajo vazhdoi, “A kam rënë në dashuri me një vajzë më parë? Po. Por tani, unë jam në një lidhje me një djalë”. Këngëtarja tha se ajo është tërhequr nga cilado që e ka frymëzuar duke shtuar: “Kur jam në një lidhje me një vajzë, është thjesht shumë emocionuese. Fuqia … Unë personalisht nuk mund të merrem me këtë”.

Bebe, e cila nuk pranoi të etiketonte veten, ka folur më parë për preferencat e saj seksuale. Në vitin 2020, ajo i tha revistës “Health”: “Unë përpiqem të mbaj dashurinë si një gjë personale për mua. Por unë e konsideroj veten fluide. Derisa të gjej të duhurin, nuk mund të them thjesht se çfarë jam. Unë thjesht dua të gjej dikë që dashuroj dhe kush më do mua – dhe nuk më intereson nëse është një djalë apo një vajzë”, kishte deklaruar ajo./FrontOnline/