Bashkimi Evropian ka propozuar një sërë sanksionesh të reja kundër Rusisë në përgjigje të të ashtuquajturave “referendume” në katër rajone të Ukrainës.

Udhëheqësit e bllokut kritikuan më herët referendumet e paligjshme të Rusisë në katër rajone të okupuara të Ukrainës dhe rezultatet e tyre i quajtën “të falsifikuara”.

Zëdhënësi i BE-së, Peter Stano, njoftoi se blloku do të vendosë sanksione ndaj organizatorëve të votimit, raporton DW, transmeton Klankosova.tv.

Që nga pushtimi rus i Ukrainës në shkurt, BE-ja ka zbatuar gjashtë raunde sanksionesh që synojnë individët, subjektet, eksportet, teknologjinë dhe bankat ruse, si dhe një embargo ndaj shumicës së eksporteve ruse të naftës dhe qymyrit.