Në Austri qytetarët më nuk do të duhet që t`i vënë maskat si në shkolla, dyqane dhe në mjedise turistike.

Kjo pasi që nga mesi i qershorit pritet të lehtësohen masat, raporton “Front Online”.

Austria ishte ndër vendet e para evropiane që bëri të detyrueshme mbulimin me maskë të fytyrës, në fillim të muajit prill, për të parandaluar përhapjen e sëmundjes COVID-19.

Edhe pse masa do të lehtësohet më 15 qershor, pas rënies së numrit të rasteve aktive me Covid-19 në nën 650, ajo nuk do të hiqet.

Maska vazhdojë të jetë e detyrueshme për pasagjerët e transportit publik, parukierët dhe kamerierët, si edhe në mjedise publike ku është e pamundur të mbash një distancë minimale prej një metër, raporton tutje “Front Online”.

“Ne do t’i heqim maskat hap pas hapi”, tha kancelari Sebastian Kurz në një konferencë shtypi në Vjenë.

Politika e re e maskave është vetëm një hap tjetër në përpjekjet graduale të Austrisë për t’u rikthyer në jetën normale.

Hotelet dhe qendrat e fitnesit u lejuan të rihapen sot, pas dyqaneve, restoranteve dhe shkollave javët e fundit./Front Online