Sonte dolën dy të infektuar me Covid-19 në Dragash, raporton Front Online.
Komuna e Dragashit deri sonte ishte ndër komunat e pakta në Kosovë ku nuk kishte të infektuar me Coronavirus.
Bazuar në njoftimin e Institutit Kombëtar të Shëndetësisë Publike të Kosovës, bashkë me të infektuarit e Dragashit dolën edhe 32 raste tjera me këtë virus në Kosovë.
“Rastet pozitive janë raste kontakti, pesëmbëdhjetë raste nga komuna e Gjilanit (sipas vendbanimit: shtatë raste Gjilan, shtatë raste Livoç i epërm dhe një rast Kosaçë), gjashtë raste nga komuna e Prizrenit (sipas vendbanimit: pesë raste Prizren dhe një rast Gërnçar), pesë raste nga komuna e Ferizajit (sipas vendbanimit: katër raste Mirash dhe një rast Ferizaj), dy raste me vendbanim në Rahovec, dy raste nga komuna e Dragashit ( sipas vendbanimit një rast Zaplluzhë dhe një rast Plavë) dhe me nga një rast vendbanimet: Prishtinë, Skenderaj, Lladrovc-Malishevë dhe Zveçan”, shkruhet në njoftimin e IKShPK-së.
