Një aksident trafiku në mes të një traktori dhe tri veturave ka ndodhur mbrëmë në fshatin Shajkovc të Podujevës. Nga ky aksident ka mbetur i vdekur një 19-vjeçar, derisa janë lënduar edhe nëntë persona.
Përmes raportit 24 orësh, Policia ka njoftuar se për këtë rast është arrestuar drejtuesi i traktorit, derisa të lënduarit e tjerë po trajtohen në Qendrën Klinike dhe Universitare të Kosovës.
“ Raportohet se ka ndodhur aksident trafiku ne mes të një traktori dhe tre veturave. Si pasojë e aksidentit dhjetë persona meshkuj kosovarë kane pësuar lëndime trupore dhe të njëjtit janë dërguar për tretman mjekësor ne QKUK, njeri prej tyre, si pasojë e lëndimevë të marra, ka ndërruar jetë, vdekjen e ka konstatuar mjeku kujdestar.
Me vendim të prokurorit trupi i pa jetë i viktimës mashkull kosovar dërgohet në IML për obduksion ndërsa drejtuesi i traktori – i dyshuari mashkull kosovar dërgohet në mbajtje”, thuhet në raport./FrontOnline/