Gjatë ditës së djeshme janë arrestuar dy persona në Prishtinë për shkak të posedimit të substancave narkotike, raporton Front Online.

Policia e Kosovës ka bërë të ditur se dy meshkujve kosovar gjatë kontrollimit i janë gjetur dhe konfiskuar 8.6 gram substancë narkotike e llojit Marihuanë dhe 2.5 gram substancë narkotike e llojit Heroinë.

“Janë arrestuar dy të dyshuar meshkuj kosovarë, pasi që gjatë kontrollimit të tyre i janë gjetur dhe konfiskuar 8.6 gram substancë narkotike e llojit Marihuanë dhe 2.5 gram substancë narkotike e llojit Heroinë. Pas kontrollimit të shtëpisë të njërit nga të dyshuarit janë gjetur dhe konfiskuar 5.7 gram substancë narkotike e llojit Marihuanë. Me vendim të prokurorit, njëri nga të dyshuarit është dërguar në mbajtje, ndërsa tjetri është liruar në procedurë të rregullt”, është bërë e ditur në raportin e Policisë së Kosovës./Front Online/