Në rast se mjeku juaj ju ka ekzaminuar dhe nuk e ka zbuluar shkakun e periudhave tuaja të lodhjes gjithnjë e më të shpeshta, ndoshta lodhja juaj mund të shpjegohet me një nga tre arsyet e mëposhtme jo aq të dukshme, transmeton FrontOnline.

Shpesh jeni të mërzitur

Nëse jeni të mërzitur në kohën tuaj të lirë dhe nuk dini çfarë të bëni me veten, ka shumë mundësi që të jeni më të lodhur në ato momente sesa kur keni disa detyrime. Pa stimulim mendor dhe fizik, ne thjesht humbasim energji dhe na duhet më shumë kohë për t’u rikthyer në jetë. Për këtë arsye, është shumë e rëndësishme të gjeni një aktivitet që ju pëlqen dhe të mbushni kohën tuaj të lirë me të. Mund të jetë leximi, shoqëria me miqtë, stërvitja, klasa të gjuhëve të huaja, etj.

Keni një partner kërkues

Ndoshta jeni lodhur nga komunikimi i vazhdueshëm me partnerin tuaj përmes mesazheve? Apo ndoshta jeni të stresuar nga grindjet e shpeshta për gjëra të vogla? Ndoshta thjesht nuk arrini t’ia kushtoni kohën tuaj të lirë vetes sepse jeni shumë të përkushtuar ndaj nevojave të partnerit tuaj? Nëse ndiheni të lodhur për ndonjërën nga këto arsye, jeni në një lidhje me një partner kërkues dhe do të ishte mirë të ripërcaktoni lidhjen tuaj sa më shpejt të jetë e mundur, në mënyrë që të rimarrni energjinë e nevojshme për të përfunduar angazhimet e tjera.

 Puna që bëni nuk ju përshtatet

Puna nuk duhet të jetë e rëndë fizikisht dhe mendërisht që të thithë të gjithë energjinë nga ju. Ndonjëherë ndodh që njerëzit thjesht nuk ndihen mirë në punë, edhe pse asnjëri prej tyre nuk kërkon të pamundurën, as nuk lodhen shumë ndërsa e bëjnë këtë. Sidoqoftë, kjo ndjenjë pakënaqësie mund të kalojë shumë lehtë në kohën tuaj të lirë dhe t’ju lodhë në momentet kur nuk po bëni asgjë konkrete./FrontOnline/