Sipas hulumtimeve, është më mirë të hiqni sa më shumë pllaka të jetë e mundur nga dhëmbët, me rezultatet më të mira pas larjes prej tre deri në katër minuta.

Ne lajmë dhëmbët me qëllimin kryesor për të hequr mikrobet (të njohura si pllakë dentare) nga sipërfaqet e dhëmbëve.

Kjo pllakë është një grumbullim i baktereve, kërpudhave dhe viruseve që jetojnë së bashku në një komunitet të njohur si një biofilm mikrobik. Biofilmat janë shumë ngjitës dhe mund të hiqen vetëm me furçë. Në fakt, biofilmat e pllakave ri-rriten brenda disa orësh pas larjes dhe kjo është arsyeja pse këshillohemi t’i pastrojmë dy herë në ditë.

Mos larja e dhëmbëve siç duhet ose për një kohë mjaft të gjatë mund të çojë në nivele më të larta të pllakës, e cila në fund mund të aktivizojë përgjigjen imune të trupit tonë duke çuar në inflamacion. Inflamacioni zakonisht nuk është i dhimbshëm, por shpesh shkakton gjakderdhje të mishit të dhëmbëve gjatë larjes dhe ndonjëherë edhe erë të keqe. Biolfilmat gjithashtu mund të shkaktojnë prishje të dhëmbëve, shkruan Indianexpress.

Por duhet pasur kujdes që të mos i lajmë dhëmbët shumë shpesh(më shumë se dy herë në ditë) dhe të shmangim përdorimin e pastave dhe furçave të forta dhe gërryese për dhëmbët. Preferohet larja e butë në mënyrë që të mos dëmtojmë indet e forta dhe të buta në gojë.