Tani e tutje të gjithë fëmijët e sapolindur në komunën e Kamenicës do të mbështeten me nga 200 euro. Kryetari i kësaj komune, Qëndron Kastrati, ka vlerësuar se lindja dhe rritja e fëmijëve është sfidë e përgjegjësi e madhe, andaj çiftet tani e tutje do të subvencionohen me nga 200 euro.
Ndërkaq, Margarita Rashiti, Udhëheqëse e Zyrës për Komunikim dhe Marrëdhënie me Publikun për IndeksOnline ka thënë se ky vendim vlen për fëmijët e sapolindur nga 8 tetori e këndej. “Subvencionimi i foshnjeve të porsalindura, do të bëhet vetëm nga periudha e datës së nënshkrimit të vendimit nga kryetari i komunës.
Pra, vendimi hyn në fuqi në ditën e nënshkrimit që i bie nga data 8 tetor të këtij viti. Ndërkaq, nga viti 2021 do të bëhet subvencionimi për të gjitha foshnjet. Ndarja e mjeteve për çiftet që do të bëhen prindër, do të filloj pas kërkesës së tyre dhe sjelljen e dokumenteve të nevojshme që janë të parapara nga komisioni i formuar për subvencione”, ka thënë ajo.
Por kjo komunë ndryshe nga ajo e Vushtrrisë që do të shpërndaj 120 euro me qëllim që fëmijët e sapolindur të pajisen me një shtrat ose me paisjet e nevojshme, ka vendosur ti’u jap mjetet prindërve të fonjave që t’i shfrytëzojnë për atë që iu duhet. “Ne kemi menduar që forma më e përshtatshme e subvencionimit është ajo monetare sepse prindërit e dinë më mirë se çfarë kanë nevojë për foshnjën e tyre”, shtoi ai.
Ndryshe, komuna e Suharekës është e komuna e parë që ka marrë këtë vendim të pasur nga ajo e Vushtrrisë, , Ferizajt, Obiliqit, Skenderajt e Kamenicës.